РУСНАЦЬКА МОЛИТВА Дай ми, Бо́же, си́лу жы́ти, Си́лу вшы́тко пороби́ти. Діточка́м здорốвля да́й, Бы валốвшні бы́ли, на́й. Дай на те́лек зароби́ти, Бы мош зе́млі ще купи́ти. Дай ми ві́ру в Твốю си́лу, Бы я зе́млю свốю ми́лу Ді́тьом в ру́ки муг дати́, Ни́ткого не обыйти́. Бо́же ми́лый, помага́й, Про маржи́ну нам позба́й. Бы коро́вы ся дойи́ли, Не урва́ли во́лы жы́лы. Го́споди, небе́сный на́ш, Ци уро́дити Ты да́ш Кру́мпльом, рі́пі ай пшени́ци? По три стру́чки в кендири́ци? Бы мош сі́на насуши́ти, Ма́рзі зи́му перебы́ти. Го́споди, ще ня учу́й, Ча́жко фа́йті нись саму́й. За́то прốшу за село́, Бы ся ка́ждôму вело́. Бы ся мош побізова́ти – Пốмуч при́йде ярьова́ти Удови́цям ай стары́м. Бо русна́ки жы́вуть сьи́м. Си́рота най ся пригрі́є, Кốвдош в хи́жи не запрі́є. Сохта́ш сьись у крốвли на́м, Го́споди, се зна́єш са́м. Ду́же прốшу, поможи́, Путь русна́кум укажи́. Че́лядь бы ся честова́ла, У біді́ бы помага́ла. Най бы вшы́ткі ся люби́ли Ай здôрốві фа́йно жы́ли. Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Володимир Рошко в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
