Русинский поэт Василь Фантич « Нікому я ся не протиставляю – Благыми были предкы мої всі. Лиш Богу ся молити твердо знали…»

Русинский поэт Василь Фантич « Нікому я ся не протиставляю – Благыми были предкы мої всі. Лиш Богу ся молити твердо знали…»

Нікому я ся не протиставляю — 
Благыми были предкы мої всі.
Лиш Богу ся молити твердо знали,
И фурт робити — тямит вічный світ.

Саме ще сонце, гі дітинка спало,
А вни давно вже были на ногах.
Часу у предков вічно было мало,
Хыба быв час затихнути в гробах.

Йсю Срібну Зимлю каждый хотів мати, 
Мінялися туй за вікы паны,
Та нас людьми не хотіли щитати,
На тритюм, п’ятум разі русины.

Прекрасный Край, де кучеряві горы,
Де дрымбом вічнов потучкы гримлят,
А в полонинах вуці на просторах,
Пуд звіздным небом цілу нуч не сплят.

Змагаются, бо літо скоро сплыне,
Так нам, русинам покою не є,
До дошкы гробової од дітины,
Чого вто так, ко ми отвіт дає?

Многі вікы, як вуці мы по світу,
За хлібом з тайстров по чужых дворах,
И сиротами впят встаются діти,
А мы за них в отвіті і в гробах.

Ище сяк тяжко нам ни раз не было,
Сякого пекла на живуй земли,
А скоро кажут, нас зварят на мыло,
Всі злодії Богдай ся закляли!

Сам сатана над нами заправляє,
Хоть нам кричат — за вас мы, за народ!
На чорноземах люде умирают,
А з ними мы, гі бы бал правит чорт.

Одна утіха — співанка тай слово,
То наша вічна, што нас держит кров,
Язык благый наш, та кричит кось — мова!
За серце м ся од крику ймив руков.

Автор: Василь Фантич

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Василь Фантич https://rusinskiimir.ru/  в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon