ТЫЖДИНЬ МАТОЛЫ Зачинаєме цикл публікацїй, де каждый тыждинь будеме публіковати твōрьбу пōдкарпатськых русинськых писателюв - поетӯв, прозаїкӯв, драматурґӯв. Сись тыждинь присячуєме поезії Василя Матолы ВАСИЛЬ МАТОЛА Василь Матола родив ся в селі Ивановці Мукачовського района 10 марта 1960 р. Учив ся в Ужгородськӯм техникумі електронной апаратуры. Робив інженером-технологом на Механічнуй Фабриці, ведучым фахманом Межинародного Торгового Дома "Ужгород", продіректором "TOB Автопобут", майстером-диспечером ВАТ "Виробниче будівельне підприємство". Выд року 2005 артіста заслуженого Закарпатського народного хору. Автор зборника "Пирші і не пуслідні сторінки" (2004), "Русинська иконка" (2006), "Днесь час такый..." (2008). Участник фестивалув гумору "Словоблуд 2004" и "Вишневі усмішки 2006". Быв печатаный в областных періодиках. НЯНЬОВИ У Божый Динь, кой на то час, Коли пером по Ночи вожу Я задаву собі вопрос: "Ци я тя, няню, не тривожу?" - "Спокуйно спи. Ты есть живый! Говориш, чуву... Слава Богу! Йсе дала тебе час такый, Змішав'ись спокуй и тривогу". МОЇЙ МАМІ Христос рождається! Побігли мати в хлів... Поïти час живе все і кормити. Славімо Го! А дощ рясний з небес Як дзвону дзвін, У тихім слові Христос Рождається! I мати знову в храм. Молитися. А не когось просити. Славімо Го! Рожденного. Рожден! І хочеться Безсмертя розповити. Автор: Василь Матола
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Матола, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
