ХУСТОВИ – 935 РОКУ!
Уд куй вода "йде" пуд муст,
Стойит давньый варош - Хуст!
Из старыми вулицями,
Замком, й людськыми кертами...
Тямит турку вун походы,
Тай татару - дикі орды,
Австро-венгру пережив,
А щи й чехам послужив...
Кажда пьядь сиї Зимлі
В Души рудна є міні:
Туй им рус, ходив в вошколу,
Жизни м туй дустав основу...
Ныні варош удродився,
Ги жона - припарадився:
Коцков - центра застелена,
Кажда хыжа пофарблена.
Косичкы всяды цвітут,
Нові саженці ростут,
Блищат на сонци - купола,
Туй ми ся радує Душа!
P.S.
Куй з Замка никаю в долину,
Та вижу файну я картину:
Фонтан, торговиця, нарцисы,
Зеленый парк, тай воды - Тисы!
А згорі - сині Небеса,
В Райови лиш сяка краса!!!
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
