Страсный тыждинь ся начинат,
Бог най буде з нами!
Най наповнит наші Душі -
Духовными "Плодами"...
ВЕЛИКЫЙ ПОНЕДІЛОК
З Віфанії в Єрусалим
Йшов Исус из рана.
Коло путя - смоковниця,
Вуросла паранна.
Вун до ниї пудыйшов
(фрыштик збаґ - плодами)
Листя зачав розгрібати -
Свойыми руками...
Смоковниця - "пустоцвіт"
(вна плоду не мала)
"Най ся вщохне" - впувів Исус,
Й вта нараз - зовьяла...
Така й чилядь в нас жиє,
З Віры - "Плоду" не має!
Памнять про такых люди -
"ґозом заростає"...
P.S.
Ош из Віров, горі впувіш:
" Зруш ся! Й скоч у море!"
Гора - верже ся у безну,
Зустане ся, лем - поле...
Благословенна ота Чилядь,
Што "Плоды" збирає!
Бо за Віру та Смиренность,
Їм Бог помагає...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
