ГРАТУЛУВУ ВШИТКЫХ ЖУНОЧОК ТА ДІВОЧОК З ЯРЬОВЫМ ПРАЗНИКОМ - 8 МАРЦУША!
ЛЮБІТ ТА БУДЬТЕ ЛЮБИМІ!
Прекрасну нашу половину,
Стариньку бабку тай дітину,
Ушиткых нашых жуночок,
Тай молодинькых дівочок...
Из Жунськым Дньом Вас гратулуву,
И уд Душі я Вам вінчуву :
Цвітіт, ги чічкы у садови,
Най люблят Вас (не лем у снови).
Подаркы дарят тай косиці
(так, ги на свальбі - молодици)
Любовні шепчут Вам слова :
Не динь, не два - ай на віка!
Живіт у радусти та в Мирі,
Здорові будьте й фурт щасливі.
Най кажда любит, й бде любима,
Бо кажда з Вас - неповторима!
Най вшиткых Бог Благословит,
У файті щастя най царит!
Обы біда за Вас не знала,
А Мати Божа помагала...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
