Х Л І Б
"Не смій вумітовати - Хліб!
(нам вд Старшины - пересторога)
Й глумитися над ним не смій -
Бо вто Дарунок є вуд Бога"!
Та ци каждый з нас тямит,
Што Старшина нам толковала?
Кось з трепетом - цюлює Хліб,
Но а про когось, вто - "забава"...
Голодный - знає му "ціну"
( крыхотя на столі збирає)
А сытый, віры му не йме
( в смітя окрайці вугрібає)...
Так боло из покон-віку,
Так и типирь на сьому світі:
Голодна смирть - про бідняку,
Багаті: сыті тай удіті...
Нікому з смертных не дано,
Про "Божый Промысел" пузнати!
Навчімся вшитко, што Бог дав,
В Души смиренно принимати...
P.S.
В Молитві Бога попросім:
Нам "Хліб-Насущный" даровати,
Й подякуйме за каждый Динь -
Што нам не дав - голодовати...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
