В І Р А
Не легков фурт бола "Дорога" -
Котра веде Люди до Бога:
Топтали, нищили, палили...
Та Віру так и не згубили.
Бо не замінят всі багатства,
Небесного уд Отца - Царства.
Молитва вд Серця (не на "сміх")
У порох зотре любый гріх...
Та фрас не спит, вун нас байлує,
Гріхом "блискачым" нас чалує,
Бо Бог му полівок туй дав
(вбы каждый "Путь" свуй убирав)
Когось "засліпит": злато й слава
( не любитмуся путь - тирнава)
И сліпо тот, у "зарву" йде,
( бо фрас " за руку" го веде...)
А ткось: в Покорі та Молитві,
Не глядат "серинчу", в гонитві,
Уд того й фрас ся удступає -
Бо Бог му "Двирі удкрыває".
И каждый, сам бде убирати,
В котрого бока ся подати...
Бо Бог нам Розум даровав,
Вбы го Чилядник - хосновав...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
