"ЛИПЧАНСЬКІ ПІРОСКУБЫ"
Не знаю, як по-другых селах,
Но давно у Липчі -
Піроскубы в хыжах робили
В дівкы - удданиці...
Серед хыжі: міхы з пірьом,
Лаворы наклали...
З падамента джерґы зняли
(вбы ся не топтали)
Дівкы - фанку наносили
(столы "накрывали")
А фатьовы йшли з гусльома
(тай палинку брали)
Давні співанкы: співали,
Файно фіґльовали!
(знали субі й заиграти,
коли дяку мали)...
Лиґіні ся моцовали
(по-мижи столами)
На перстах "ключкы" си рвали -
Перед дівочками.
На турназ (вать за хлівом)
Йшли ся цюльовати,
(там де світло не світило)
Вбы ганьбу не мати!
P.S.
Тямлю я й свойых тюток
(куй боли дівками)
Тоже они скубли пірья,
Разом з лиґінями...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
