ЦВІТНА НЕДІЛЯ
Не в золоті, не в шовках
Тай, не на коньови...
Зайшов Исус в Єрусалим -
На простум ослови!
Из пальмовыми голузками -
Його стрічали, ги Царя!
Та в Смиреннуй Вун Покорі -
Йшов до "Свого Алтаря"...
Йшов не Славу добывати,
Йшов на "стрічу", д Смерти...
Знав, што за людські гріхы,
Прийде му ся - вмерти!
Відів - радусных люди,
Што Його стрічали...
(айбо "чув", як їхні душі:
"Розпни Го" - кричали!!!)
Не міняє ся сись Світ,
( злоба правит нами )
Без Любви будеме йти -
"Тернавыми путями"...
P.S.
"Шутка" - ныні в каждуй хыжи,
Най ї Бог Благословит:
Моцы вшиткым даст тай Миру,
Й Віру Нашу - укріпит!!!
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
