НЕВИЦЬКЫЙ ЗАМОК (давня казка) Исе давно дуже боло, ( у середнюм віці) Куй не знали щи робити: Гурку та пікниці... Над долинов рікы Уж, На горбку (из ліва) Замок субі муровала, Страшна "Поган-діва"... "Поган-діва" приказала: "Молоко зобрати, Та уєдно из яйцьми - В малтер їх мішати..." (А молоко, непростоє, Ай грудноє брали - Удбирали вд матирю, Што діти плекали) Чилядь вна ни чкодовала, (што брылы носили) А ко вжи не бировав - Тых нищадно били... А куй замок бов готовый, Відьма онь завыла: Каждый вичур, а щи й рано У крови ся мыла... Король Матяш за йсе взнав, З войськом ся удправив. И у хащи "Поган-діву", Шабльов - обезглавив... P.S. До типирь у Кам'яници Старый замок - стойит И по-ньому уночи, "Поган-діва" - бродит... Автор: Василь Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
