О С І Н Ь
Вжи осінь "золота" в нас на дворі:
То дощ сыпит, то сонце світит,
То вітер листьом крутит по- земли...
Йзяблисьме всі, хуть вжи й тепло удіті...
А щи недавно - Бог дарив тепло...
(затінок глядалисьме, вбы не боло душно...)
Та всьо проходит... Так пруйшло и вто...
Уд того всього, стало ми онь чудно...
Погода мінятся, ги наш Живот:
То смійемеся, то сьме зажурені,
То добре нам, а вать наоборот,
Фурт спішиме, ги "коні намылені"...
Та докуть бічи? Де тот "фініш" є?
Обы присісти, мало попочити...
Бо вжи "зима" ид нам з годами йде...
А мы не встигли щи по-людськы жити...
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
