ПИСЬМО СЯТОМУ МИКОЛАЙОВИ
Буде ныні у ночи
"Миколай ходити".
Вун приходит дуже тихо,
Вбы не розбудити...
Тямлю, куй им бов малый,
Просивим у Нього:
Вбы принюс міні - машинку,
Ги в сусіда мого.
(Твердо м Вірив:
Миколай - дітвака учує,
й принесе ми тоту бавку,
што сама фунґує.)
Зранинька, лиш им устав
(ото бола новта)
В чіжемках у ня машинка,
Файна, ги куй з бовта...
____________
Письмо пишу и типирь -
Сятому Миколаю...
Лиш з роками, што просити,
Вже май добре знаю:
"Сятый Отче Миколаю,
Доброту Ти знаю,
Принеси нам Благодати
Для Рудного Краю.
Вбы не грызлися на Вірі
(бо Она Єдина)
Лиш Єнного породила,
Божа Мати - Сына...
Обы ґулі не "свистали"
Над сырым окопом,
Вбы вдовиці не ревали
Над убитым хлопом...
Обы Бисіду любили,
Й хосновали всяды...
Вбы нам власти не чинили
У сьому преграды..."
На папірь им написав,
Што Душа ми хоче...
Моли Бога Ты за Нас,
Пресятый Наш Отче..."
Автор: Василий Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
