Туман такый, хóть ріж на кóцкы
Й муруй из нього всім хыжъі.
Зима уже у персты троцкат,
Косиця кашле и дрыжит…
И видится, óш нич не видко
У вызӳр білый, ги папірь.
Ци хмары сіли дуже низько,
Ци молоко вто? Вірь – не вірь,
Айбо на тóму бóці світу,
Там, де не знаут про туман,
Типирькы сонце, море, літо…
А туйка музика сумна…
Єден хосен, и нич не вдієш –
Про літо думати не впрієш.
Автор: Василий Кузан 27.11.18 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Василь Кузан, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
