Русинский интеллигент Петьо Береш написал Оду Хыжці (Дому). “Iдучи́ путьо́м на Ку́ка, стрíла ми ся стара хы́жка…»

Русинский интеллигент Петьо Береш написал Оду Хыжці (Дому). “Iдучи́ путьо́м на Ку́ка, стрíла ми ся стара хы́жка…»

НА КУКА

Авать Ода русинськӱв хыжцi

I .
Iдучи́ путьо́м на Ку́ка,
стрíла ми ся стара хы́жка.
Дēрēвля́на, ши́нґльов кры́та,
ма́ло згорблена, сара́ка,
айбо зрадуйе вна мӱцно,
сēрдце каждого русна́ка.

II.
Ста́вим. Сперимся на бука.
Позира́ву я на нēi.
Што за чунна сила у'тôбi ? 
Педик и дома́к пiцíцькась,
айбось дала́ сьôму́ Свiту,
Нашу бḗсiду русинську.

III.
Позира́ву я на ньу.
На́гле, ги-бы у кiно́ви,
раз, и га́дков я пôлēтiв, за iсi висôкi го́ри…
Ви́жу Ба́бчину я хы́жу, пиля по́тока в сēло́ви:
ла́ду, кре́денц, стӱл дубо́вый – што, ги да́вно,
зби́рать файту всю уйе́нно в ракашо́ви... 

IV.
Ниґда я ни буду знати,
чiя тота́ хы́жа бы́ла,
айбо стя́гим, iз ся ка́лап.
Вдя́чно'м помолився Бốгу, 
за сись спо́минок соло́дкый; 
и за того, ко поклав йi; и про кого вна служила. 

V.
Слызу утру. Вốзьму зась бiґа́рь у рукы.
Пēрēхре́щуся и ру́шу, дале я гурí на Кука....
Каждый з нас мать “свого кука", (гурi котрим бы му лiзти),    
айбо мусай щий тями́ти, чiй'им сын и чiй онука!
Йсi хыжí старí по селах, вто ги ла́мпашi Народа,
што нам Старшина́ лишила, вбы сьме ни забы́ли ро́да.

P.S.:
Сокоти свойе ! Кӱ́лько бысь ни ходив по Свiтови, лiпшого ги "Нашойе" ни́ґда шуга ни найдеш, бо оно Ти кôрiня!

Автор: Петро Береш  24.03.2020

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/, ru  Питьо Береш, в иных случаях будем обращаться в соответствующие инстанции (админам соц.сетей, и Суд).

Left Menu Icon