У яри́ сме фурт паску сяти́ли, Тай пали́ли великōднї ōгнї, Полива́ти ся в гōстї ходили, Й прово́дили праздничнї днї. Тай пома́лы ишли́ ярьова́ти, Й на кӯсни́цї листя гребсти́. Гріє сонце - та треба копати, Й перві тра́вы косити ити. За тым пак и Юря наста́не, Знисїня й пак Зелинї сята́. Без беріз ся хыж не упста́не, Запахне кра́сно липа тота. Тоды́, коли хра́мовой сято Пацьо́ркы си вшиткі несу́т, Усяды похаре́но и вбра́то, Й мирова́ти ся люди идут. Ива́ндиль, а пак й сїноко́сы, В пōлӯ си пōлігат трава. В хōду є мата́рга тай косы, Про нас йсе ни просто слова. Й миро́ваня на каждоє сято, На каждоє є и свӯй звык. Лиш тала́нты - сяк в нас узя́то, На рōбōту туй каждый привык. Но а дале браня́ й бы́ля жати - Є в нас много рōбӯт восени. Треба жити, худōбу держати, Й заробити си даґде пӯти. У зимі, Миколай ид нам ходит, Будут сяткы, у нас, Рождество. Сяк рӯк у руснакӯв проходит, То робота, то зась торжество. Тяміт - йсе русинськых сохта́ш, Выд нас вам його ни забрати. Край пōдкарпатськый лиш наш И ни треба сюды вам ся пхати. Порядок наведїт у ся дома, Пийте вōдку тай сербайте щі. Пōкӯв дайте, идіт си до грома! Ни ймайте ся, ги на тїло, кліщі. Автор: М.Чикивдя 14.ІІІ.2022.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.