Русинские православные традиции с поэтом и краеведом Карпатского края М. Чикивдя. «Завтра Вōдōщі. Уже знаву, ож увижу дуже читаво свіжых образчикӯв, де чилядь буде купати у студенӯй вōдї…»

Русинские православные традиции с поэтом и краеведом Карпатского края М. Чикивдя. «Завтра Вōдōщі. Уже знаву, ож увижу дуже читаво свіжых образчикӯв, де чилядь буде купати у студенӯй вōдї…»

ШТО РОБИЛИ НА ВŌДŌЩІ?

  Завтра Вōдōщі. Уже знаву, ож увижу дуже читаво свіжых образчикӯв, де чилядь буде купати у студенӯй вōдї. Бизӯвне будут образчикы, як выд простых людий, так и выд тых, тко занимат высōкі державнї посады. Якōй цїли хōтят досягти люди, кōтрі тричі будут занурьовати ся у вōду тай хрестити ся? Цїль така, ож сякым способом ōни из ся змыют усї гріхы. Айбо исе є прикочованый ид нам міф и нич бӯльше. Гріхы из ся «змыти» мож хыба тоды, кōй ся чōлōвік розкає у них, пак ся пōспōвідат и причастит у храмі. Инакого змытя гріхӯв у нашōму реґіōнї ни є.

  Треба пувісти, было й так, ож наша чилядь, мыла ся у вōдї на Вōдōщі. Айбо ни такым способом, гит ото рōблят типирь. Тай робило ся тото ни з такōв цїльов. Руснакы вірили, ож на Вōдōщі, у ушиткых ріках, потоках, кырницях, зворинах тече цїлюща вода. У исе сято зачинат ся великоє водосятіє на ріцї, авадь на пōтōцї. Кōй вода ся посятит, тоды уже чилядь ишла и мыла ся у тїй вōдї (рукы, тварь), а дакōтрі, смілі, гōднї ся были скупати. Но ни так, ги типирь, а скакали в вōду тай гет. Робило ся исе завто, убы ЗА ЦЇЛЫЙ РӮК КРІПКІ ТАЙ ЗДŌРŌВІ БЫЛИ. Но ни завто, убы змыти гріхы.

  Но май главноє, штор обила наша чилядь на Вōдōщі, тото СЯТИЛА ВŌДУ. Треба пувісти, ож у дакотрых селах, чилядь несе сятити вōду уже у динь Бабиного вечера. Так, приміром, робит ся и типирь, у Березниках. Несли вōду сятити у кочаргах, кандирях, склянках, а пак ї дома цїлый рӯк сокотили. Хосновали ї, кōй треба было. Пак, по сяту, священик зачинав ходити по селу сятити хыжі.

  Што мож пувісти на останок, убы пӯдкріпити тото, што’м написав. У карпатськых русинӯв, на Вōдōщі, быв звык сятити вōду, кōтру пак дома сокотили. На ріці, ци пōтōцї, по водосятію, вмывали ся вōдōв, убы были здōрōві. Но тото вже дїло каждого, што робити на Вōдōщі, айбо пōвтōрю ищи раз, кидь ся завтра занурити тричі у вōду, та гріхы «никуды ни втїкнут». 

Автор: М.Чикивдя 2022 год.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий

Иконка левого меню