ПРОГУЛЯНКА НА ГРИБЫ
Пудыйшов грибный сезон,
пропав спокуй муй и сон.
Гумакы 'м вбув, удів клебаню,
в хащу рушив 'им днись рано.
Воздух фрішный хаплю в груди,
дуже йов, вам кажу люди.
Очи радує краса,
на траві блистить роса.
Чути потят дись здалеку,
скрип дерев уд вітру легкый.
Межи вершками деревля,
світло сонця ся пробивать.
Благодать, душа спочивать,
серце уд щастя ся роздирать.
Житя стає насолодов,
из руднов мамков природов.
Иду, фітькаву з кошарков,
копач уламав 'им в ярку.
Грибув довкола не видко,
майжинь спряталися вшиткі.
Єден - прикрыв ся листком,
другый - сидів попуд пньом.
Пара - в руща ся забила,
гибы уд чогось ся ганьбили.
Є й великі уже, й малинькі,
чимчикуву потихинькы.
Я фатьов радый й азартный,
домак ниє 'м гиртелемный.
Буде дома забаганка.
повна з грибами кошарка.
У пудливі из сметанов,
ищи й сушити ся обстане.
Без них їдіня - пустота,
страва з ними - вто смакота.
Чуву запах, ань ня морить,
утікаву за стул скоро.
Идуть смачно ми на дяку,
люблю істи їх усяко.
В грибах повно вітамінув,
добрі грибы, ім їх сміло.
Ходив бы 'м и круглый гуд,
на грибы у добру путь.
Радусть най бы усе несли,
фурт росли там в ракаши.
Сушіть, соліть, маринуйте,
в час свободный, в ліс шуруйте.
Грибы - нам дары уд Бога,
сокотім челядь природу!
Автор: Gyula Csólent
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения:Gyula Csólent, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
