Русинская поэтесса Марія Ґірова Васькова «Кебы ся Духновіч з вічности пробудив, не вірив бы очам як ся тот світ змінив…»

Русинская поэтесса Марія Ґірова Васькова «Кебы ся Духновіч з вічности пробудив, не вірив бы очам як ся тот світ змінив…»

ДОРОГЫ ДЇТОЧКЫ

Кебы ся Духновіч
з вічности пробудив,
не вірив бы очам
як ся тот світ змінив.

Хоць вшыткы жыєме
у модернім світї,
свій язык і слово
мусиме хранити.

Штоже може быти
красше, сердцю мілше,
кедь видиме книжкы,
а в них слово наше.

Материнське слово,
азбуков писане,
нам од родных предків
з ласков передане.

Храньме, не скалїчме,
зніщіти не дайме,
тото, што нам близке,
в сердцю утримайме!

Вы - дїточкы нашы,
азбуку тримайте,
у своїх букварях
русинске находжайте!

Співанку веселу,
байку, приповідку,
стишок сердцю мілый,
ці розповідь мудру!

Дорогенькы нашы,
мудры и способны,
не дайте взяти з рук
традіції родны!

Кедь нас ту не буде,
вы нам зістанете,
богатство Русинів
з ласков охраните!

Міцно вам віриме
з надїёв чекаме,
же з помочов вашов
наш род охраниме!

Автор: Марія Ґірова Васькова "Спомины сердця" (2022)

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Марія Ґірова Васькова  в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий