ЛЕВЕШ ИЗ КВАСНОЇ КАПУСТЬІ...
Гадку гадать молодиця:
Што бы изварити?
Ся проблема, ги гурчиця,
Фурт в гадках вертить ся.
Мало кромпликув начи́стить,
Пак квасну капусту,
Вуйме из гордова и́сто
Фест, вбы было густо.
Кипнуть кромплі у гонцьови,
Капусту промиту
Додасть вд кромлям на денцьови,
Вбы ї было видко.
И ушитко, по шорови,
Добавлять помальі:
Пириць, суль и лист лавровый,
Там ся замішали...
За́пражку з мукы изробить,
Нальє там сметаны,
Ще пікни́ці там надро́бить -
Левеш є парадный!
Бублать левеш на огньови,
Пахне в кухни файно,
Кипить и́ппно у гонцьови,
Што "ушитко" - тайна!
Бо їда домашня, чесно -
Май ліпша на світі,
Кедь чинити ї файнезно-
Добра зимов й в літі!
Вто, што дома изварить ся-
Доброє, смачноє!
Має кажда молодиця
Ва́риня лем "своє"!..
Автор: Леся Адамова Стецович
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
