ПРЕФАЙНІ ВСПОМИНЫ...
...Нафуркав віхорь файно листя
У вшиткі закуты в дворі.
Припарадив красно обыйстя,
Кішкерт й ґарадичі старі.
За носикы вже щипле студинь
И рано мало морозить...
У бловдари пече ся штудиль,
А в шпорі си огинь тріщить.
Худоба вшитка накормлена -
Ґаздувуть Няньо в раньый час,
Барнулька наша издоєна -
Вже чекать молочко на нас...
Малинькый Мурчик в ноги тре ся,
На ручкы просить ся до ня...
- На фрыштик пый! Вд столооовиии! Леееся!
Беру у рукы маченя...
Иду до хыжі. Кличуть Мама...
Лишаву Осінь на дворі...
Ище не раз до сього Храма
Я верну ся в гадках, в добрі...
Автор: Леся Адамова Стецович
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
