ЛІТО В СЕЛІ...
Майліпше в літі - у селі!
Туй рано пройдеш ся травов,
Кроплена чистов вна росов,
Чічок наріжеш в вазу красну,
Рібізлі вродилися рясно,
Малинькі огуркы ся вяжуть,
"Закласти треба"- вни ти кажуть,
Парадичкы вже червенівуть,
В саду вже яблочка ряснівуть...
Вода на купаня теплинька,
Із неї вуйдеш фест свіжинька...
У хащі грибу си назбераш,
Міста там "свої" пообзераш,
Малины, ягоды, дориці,
Цвітуща липа і косиці...
Туй иншак кавіль фурт смакує,
Душа ся радує, любує,
Євство якось май ожыває,
Бо моцы туй май булше має...
Кугут сусідськый рано будить,
Привітні, милі туйкы люди,
Смівуть ся діточкы малі -
Перфектно в літі у селі!
Автор: Леся Адамова Стецович neděle 26. července 2020
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
