КАРПÁТСЬКІ ЖУНОЧКЫ́...
Гéй, які пара́дні
наші жуночкы́!
Ги префа́йні й кра́сні
польові чічкы́!
Што росли в Карпа́тах -
вд них взяли красу́,
Обы вмыти ли́чко -
хосну́вуть росу́.
Фíномні й шікóвні
наші жуночкы́,
Рéндешно цвіту́ть фурт,
та́ги ружічкы́!
Изчалу́вуть спíвом,
тíшать сохтажóм,
И́грать кро́в у жы́лах -
пи́рцьом и огньо́м!
Го́рді і файто́ві
наші жуночкы́!
Кой в жытьови тре́ба -
хи́трі лисичкы́!
Мо́цный дух фунґу́є
у єстві у ни́х!
Грíх їх не люби́ти -
на́ших золоты́х!
Читаві і трібні
наші жуночкы́,
И́ппні і ласкаві,
ги кішасонькы!
У огньо́ви ни́кус
ниґда не згорять,
Ги сріберні звізды
для людий блистять!
© Copyright: Леся Адамова Стецович čtvrtek 10. listopadu 2022
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
