Из материнськым молоком
Нам слово вливать ся рікôв
И перетворять ся у крôв,
И тішить думку, серце, око,
Летить над горами высоко
Співáнкôв, вíршом и душôв,
Снігом, який опять пÿшôв.
Хоть всі вже ярь фрішну чекавуть
И словом дóбрым прикликавуть.
Як мож забыти з дня на день
Ядро сімї, живый огень,
Язык, што ним батькы казкы казали,
Котрым Мамы у колисóк співали.
Звучить ся бисіда усягды в симбіозі:
Дома, в церквах, межи людьми в дорозі.
Люде Великі про ийсе в книжках писали,
Што в тому знавуть толк, бы вшыткі знали :
«Чужому вчіть ся, свойим – не ганьбіть ся!»,-
Бо вÿсхне без хоснованя из слóв керниця !
Автор: Леся Адамова Стецович. 1.02.2017. Брно.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
