Дым дымить, што аж фойтýє,
Кýрить ся в будíлці!
Висять шовдарикы крáсні
На свальбину дíвці.
В дымі бýдять ся префáйно
Тýйкы свинські лáбы!
Бо ґазда ріхтýє иппно
Чотыри дарáбы!
Пáхне так дoвкóла смáчно -
Слину промыкáвуть
Од дітвáчат до старинькых
На йсе дяку мáвуть!
Читавинькі стéгна висять
На тяжкуй бантині,
Позирáти інтерéсно
На сесé дітині.
Буде свáльба, авадь сята,
Шóвдарь похоснýвуть,
Бо тотí, што нáрабляли
І їсти берýвуть!😁
Автор: Леся Адамова Стецович sobota 30. listopadu 2024
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
