СКИБКЫ, БАНЬКЫ, ФРІЧКЫ...
Спечеме красно скибкы
На горячум шпорі,
Наливайте палинкы -
Най нам йде одгорі!
Наллєме на них олай
Домашньый, пахнячый,
Жíвот маєме, ги рай,
Кедь їда добряча!
А кедь є ище и брынзя
Вд кромпликам печеным –
То пиля стола я клинцьом
Буду приверченым!
Солонинкы, авадь мняса
Мож бы вд йсьому ділу,
Кедь не є - мож и колбасы
Нарізати сміло!
Огурок, вать парадичка,
Вадь квасна капуста -
З сього будуть красні личка
И прекрасні чуства!
Пудогрієме винця
Из бочкы червеного,
И погарчик до денця
Упєме добрезного!
Де та мила давнина
Де м была дітина?
Де тота добрятина,
Што в діти любима?..
Золотинькі скибочкы
На старум шпарґийті.
Всі мы были діточкы,
Вспоминкы не стирті!
Як то просто и красно,
Што в добрі вспоминать
Маму, Няня, домуство
Велика дітина...
Словничок:
Доповню. Питайтеся, якщо щось не зрозуміло ))))
Автор : Леся Адамова Стецович 25. 01.2018
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
