...Грызи ся народе...Жери ся... А не́брязь ся радує фест... Што чи́нять паны - не жури́ ся! Внімíй! - неси чи́тавый хрест! Фрас вер межи чи́лядь паскудство Й позерать, што творить наро́д?! Пото́ком тече словоблудство - Якый буде сему исхо́д? Пий кров си, народе, сважай ся - Йщи мало тедь маєш біды... Довко́ла фест поо́бзира́й ся - Роспóзнаш де фрас и чорти? Ньит. Нич ты тепирь не уви́диш - Полуда ти фурт у воча́х... Себе фараґлу́єш и кри́вдиш, Любити ся маєш фест страх... А до́ста бы Божі зако́ны Держати у серци, в души... Одве́ричи еґа короны - Гордыню добром сокруши... Сміє ся, што аж ся захо́дить, Нечи́тавый дю́ґальщик-фрас: Повадив префайно народы - Ненависть вер по́межи́ нас! Є звíданя в мене такóє, Што гáдков иде з головы́: Посíяли ме́жи вас злóє! Што вчи́ните з па́скудьов вы́?! Автор: Леся Адамова Стецович sobota 18. listopadu 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
