ФІҐЛІ: ЖУНСЬКА ХВОРОТА Так ся люблю убирати У новоє шматя, Обы м была май парадна На всьо Закарпаття! Кой увиджю в бовті шаты, Авадь віґан модный - Так го читаво фест хочу - Ги мнясо голодный! Так поміряти го хочу, Ци ми вун парує? Што душа ми ся из сього Дуже фараґлує! Там ще вд ньому виджю файні И пуд цвіт топанкы, Й рідіку туй красну мавуть - Супер забаганкы! Йсе потреба каждой жуйнкы Йсе лікы на душу! Їсти дниська нич не буду - Се купити мушу! Кедь не куплю сесі шаты - Та ся похворіву! Так ня морить такі мати, Онь за ними мліву! Кажу тихо я ґаздови: - Так тя, злато, люблю... А вун на вто: "Што ти треба? Укажи, та куплю!" Знає ня, ги облуплену, Кой ся лащу мило - Треба, обы штось новоє Иззясь ся купило. Бо у Закарпаттю кажуть: - У файного мужа, Жуночка цвіте и пахне, Таги красна ружа! На жоні не економте, Не будьте скупыми! Вбы рокы для ниї з вами Не были гурькыми! Кой жона є супукуйна - Благодать в роди́ні! Товды мир, любов, порядок В каждої ґаздыні! Автор: Леся Адамова Стецович čtvrtek 13. července 2020 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
