Надійме ся, ош фурт атсяк не буде, Бо руновага в світі мусит быти! Дись вд голоду и студени дітинка пухне... А дись, дукатами ся фест не можут насытити! Дись, у окопах мерзнут тедь фатьовы, А дись си гулят "злата молодьож". Десь ботокс колять, ламінувут бровы, Бо пянка намічає ся - балдьож! Десь жунка плаче, за пропавшим сыном, А тот, реве од болі й вшиткых ран!.. Траґедія уда́рила у ду́ші клином - Изберат людську буль и горе у катран! Комусь война, для когось мамка рудна! Лем не для вшиткых є тепирь очистець сись! Біда вандрує, ги дівиця блудна По бідняках, и жебрать вд них, и днись! Не боят ся паны́ ни Господа, ни кармы, Ни лайкы людської и ни́якых проклять! Бо челядь чесна и не робит лармы - Ги зачаровані, в гіпнозі, тихо "сплять"!.. "Все так не буде" - царь Соломон. Автор: Леся Адамова Стецович pátek 27. ledna 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
