Русинская поэтесса Леся Адамова Стецович «А там десь, в дітинстві, далеко, у няньовуй хыжи теплинькÿй, так приязно, добре і легко…»

Русинская поэтесса Леся Адамова Стецович «А там десь, в дітинстві, далеко, у няньовуй хыжи теплинькÿй, так приязно, добре і легко…»

ХЫЖКА ДІТИНСТВА

А там десь, в дітинстві, далеко,
У няньовуй хыжи теплинькÿй,
Так приязно, добре і легко,
У постели чистÿй, мнягинькÿй.

Потріскує вгинь си у шпорі,
У ладі дрова  шор чекавуть.
А Мама харять штось в коморі,
Наш Няньо нам книжку читавуть.

Увонка морозно і фрішно,
Стемніло ся скоро, наремно. 
Нам з казкы і страшно, і смішно,
Тулити ся будеме вєдно.

Занесуть з морозу, до хыжі,
Сушити плахты і вереткы,
На пантлик од шпорови ближе...
А звізды на небі - монеткы.

Так фрішно запахне морозом,
Ледовоє шматя помнякне...
Мы свіжость вбираєме носом -
У тямці сесе не помрякне...

А Няньо нас файно прикрывуть
Из пірья перинов великов
І двирі неспішно закрывуть,
Так затишно стане і тихо.

Вни пÿйдуть худобу кормити,
Бо є што там фест спіхувати,
А Mама - коровку дойити,
Нÿвроку, є з чим ґаздувати...

А мы, пÿд перинов, у спальни,
Ще будеме довго шептати,
Ци вто у казках світ реальний? -
Мы будеме гадку гадати...

У оболок місяць позерать,
А вечÿр вже нÿчка міняє,
Нас Ангел у сон свÿй заберать,
Бо спанок вночи заганяє.

І най там фурделить снігами,
Най студіньов фукать фест віхорь...
Дітинство в гадках фурт из нами,
Де затишно, файно і тихо...

Автор: Леся Адамова Стецович

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню