Русинская поэтесса Леся Адамова Стецович «Вшиткі ножі наострині, и клинкы великі, лаворы вже приладжині, и корыта вшиткі…»

Русинская поэтесса Леся Адамова Стецович «Вшиткі ножі наострині, и клинкы великі, лаворы вже приладжині, и корыта вшиткі…»

Г Е Н Т Е Ш

Вшиткі ножі наострині
И клинкы великі,
Лаворы вже приладжині
И корыта вшиткі.

Суль и пириць, лист лавровый,
Кипячена вода,
И  помуcт з дощок фестовый,
Стойить на колодах.

Гентеш прийде все израна 
На дворі йщи темно,
Бо робота йся старанна,
Сложна и наремна.

Знає добре вун, як треба
Свинча заколоти,
Квик абы не быв до неба,
Без жалю й гуркоти.

Пустит кров, най стече в лавор
Акуратно, чисто.
И  на кавіль має право,
Й деці туй є місто.

А пак сирсть огньом палят,
Кипятком змивавут,
Шкрепчуть, чистять и опять
Водов поливавут.

Гентеш робить йсе не сам -
Помучникув має,
Айбо май главнішый вüн -
Вшитким управляє.

Ріже, вдділять, четвертує,
Корыто наповнять,
Файно, иппно вун гарує,
Най го люде помнять.

Вже ґаздынька зась несе,
Децу для фатьовув,
Йсе од студини спасе
Хлопцюв стопудово!

В лаворах усі кишкы,
Треба їх спущати,
Мыти, чистити, в банькы,
Вбы пак хосновати.

Солонины пóлоткы 
Файно насолити,
Намастити чесноком -
Вто буде будити.

Шовдарі ушиткі тоже
В суль и маринаду,
На кочоню буде кожа,
В шойт ушитко клáдуть.

Всі шуршат, што аж ся курить,
Тай кіпит робота,
Нитко нич ся не загурят:
Вшитко, ги по дротах!

Свіжину ґаздынька жарить,
Пахне вже цибуля,
Лем мацур ся нич не шарит,
З шоку вочи впулять.

Сядуть мало испочити,
Тай заїсти мало,
Доста много йщи робити 
Из йсьым вшиткым впстало.

Настроєніє - дай Боже!
Вшиткі, ги в азарті.
Встигне ся, кедь Бог поможе:
Вже йсьме не на старті!

Мнясо мелють на пікницю,
Ґершликы варять ся,
Ґаздик цьомать молодицю,
Вочи їм искрять ся.

Вже на шойт кипить што має:
Голова и кожа,
Поливка онь укипає,
На міш-маш похожа. 

Мнясо, гуркалув, кишкы,
Робить ся пікнúця,
Изварині вже гуркы,
Йсе вже лем друбниця.

Вшитко добре перемыти,
Мало похарити,
Чистым свіжину прикрыти,
Мож уже й спочити.

Йщи пошкварити шкваркы
Вбы масть в хыжи мати,
Вонка світят вже зіркы -
Мож бы йти вже спати.

Коли ріже ся свиня -
Треба нарабляти!
Абы пак добрятину
Все на сятка мати!

Автор: Леся Адамова Стецович pátek 6. prosince 2019 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню