Русинская поэтесса Леся Адамова Стецович «За́морозок фест поціфрува́в, польові покру́вчикы у го́рах, мíнту бíлу на смерéкы си поклáв…»

Русинская поэтесса Леся Адамова Стецович «За́морозок фест поціфрува́в, польові покру́вчикы у го́рах, мíнту бíлу на смерéкы си поклáв…»

За́морозок фест поціфрува́в
Польові покру́вчикы у го́рах,
Мíнту бíлу на смерéкы си поклáв -
Зеленíли фáйно ище вчóра.

Чаровны́м срібе́рным порошко́м
Ма́точка-зима красно́ притря́сла,
Ушыва́ла мíнту си сніжкóм,
Обы бы́ла ца́рственна и кра́сна.

Тишина́ жури́ла ся собо́в,
На сесю́ префа́йность позира́ла,
Як Зима́ си не́сла кураго́в
И шіко́вно вся́гды ґаздова́ла.

Не́сла из собо́в чуднí казкы́
И лади́ла ся їх вшы́ткі розказа́ти,
Ледянí, прозрáчні сторінкы́
Вíхорь фест проси́в ся уберта́ти...

Кой у го́ры при́йде тиха ну́ч,
Чи́лядь запали́ть у хы́жци свíчку,
Вы́зьме Ма́точка-зима́ універза́льньій клю́ч -
Ним оды́мкне си из хрусталя́ лади́чку,

У́пустить из не́ї шилия́кі чудеса́:
Ле́гкі цяточкы́ сніжи́нок и срібе́рні звíзды...
И восторжествýвуть небесá - 
Ма́вуть фу́рт они́, што красото́в вповíсти...

Автор: Леся Адамова Стецович úterý 22 listopadu 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon