Як дуже сильно застудило,
Лист ся почав обсипати,
Осіннє небо задощило,
І грибы треба йти збирати.
Осінні грибикы барнові,
А під березов чиллиняк,
Мало дись і ліщанкові,
Тай никаш повний гатіжак.
З цибульков в лабоши насмажиш,
Оби пак смачно мош мачати,
А щи смитанов кить заправиш,
Та немошся з блюда удорвати.
Вставай рано до зорі,
Не спи бо грибы не чикаут,
По хащи бродят грибарі,
Що за грибні містечка знаут.
Автор: Віра Мурник
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Віра Мурник, в иных случаях будем обращаться в соответствующие инстанции (админам соц.сетей, и Суд).
