Давно земля была цінн`а, И всї кӯсн`ицї, де косили. Єдна лиш цїль, єдна журб`а - Кобы лиш файту прокормили. А кӯлько было тōй землі? Лише дар`аб, ни заход`ило. Як тяжко было у селі! Што нам типирь ся и ни снило. Рубали, чистили кӯсницї, Вбы было місто, вбы косити. В зимі провадили копицї, Сяк цїлый рӯк лише ходити. Усьо в ручну, и так до ночи, Е так тото ся люди мали. И ōнь ся їм блист`їли очи, Кōй ищи дарабчик куповали. А в б`арōвкы участкӯв доста, В юдеїв М`индиля тай М`анса. У нашых цїль єдна и пр`оста, Та зась ся гнули без аванса. Ōпять ся гнули, дōкі другі У нас туй жили, жиров`али. Такі часы вто нидōлугі, Мы в себе дома нич ни мали. А пак орали й по гранк`ах, Вже поле у колгосп забрали Тягли мат`аргу по хащ`ах, Талантов`али тай мовчали. Й пропав колгосп, яли дїлити, Тоды ся чуть и ни рубали, Вбы `єґде было всїм робити. Дӯстали, а пак полишали. Типирькы нам землі ни треба: Яло пустїти й зарастати. Лиш гл`ипнут прадїды из неба: - Як годно так тото ся стати?!" Сяк нами своє ся лишило. Чужі прихōдят, скоро скуплят. Та вбы ся так ни пōвторило: Мы робиме - чужі ся куплят! Автор: М.Чикивдя 16.І.2022.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
