Прекрасный отзыв о русинских поэтах оставил Митро Поп «Прочитавим стихи наших трьох марамороськых поету, котрі хочуть издати їх книжков…»

Прекрасный отзыв о русинских поэтах оставил Митро Поп «Прочитавим стихи наших трьох марамороськых поету, котрі хочуть издати їх книжков…»

Най живуть наші русинські поеты

Прочитавим стихи наших трьох марамороськых поету, котрі хочуть издати їх книжков, и на сирцю ми стало лекше – жиє наш язык русинськый, хвала Богу! Яло ся назвати имена сих фаттьову: Иван Бузаш (Бинячовськый), Сергій Тудовші и Мигаль Чикивдя. Я як філолог-славіст годен бых говорити за поезію як літетурный жанр много, но ци варта тото чинити, коли перед нами така бисіда марамороська, што аж гай шумить. Тото мене радує. Зато-м на радостях и перекрутив мало стих єдного из сих поету:

Задумали фаттьовы троє
Из Марамороша славного,
Издати книжку поетичну.

И знаєте – повім я вам – 
Ош уйшло в них тото аж ипно.
Слова в стихах штімувуть наші,

Їх хлопці не бояться хосновати.
Зато й пуддіржуву я їх усяко,
Бо пишуть языком, што Бог нам дав.

Фіґлі фіґлями, но стихи їх аж у душу лізуть. Не зато, ош хлопці люблять свуй Мараморош и цілый наш край , котрый не дали бы и за горы золота, а за искренность и щирость їх поезії. Мож бы говорити за каждого из них повкреме, но слова бы были єднакі, бо и стихи їх ги єдно цілоє, нерозрывноє, авторы ги бы близнята были, зато и стихи їх близькі по духу, ги  бы доповньовали єден другого.

Так ся складує из їх поезії величавый образ нашої Подкарпатської Руси, нашого русинського народа. И сесе ушитко марамороські три поеты малювуть словами нашого родного языка –русинського. Языка, який нам изрі году сперед сим, наохтема даровав Господь Всевышньый. Сиринчі вам, хлопці, миру и спокою, доброго здоровля и Божої благодати на многая літ!                                                                         Автор: Митро Поп, Страбічово-Ужгород

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Митро Поп и Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий

Иконка левого меню