Ґриґорій Іґнатій Жаткович (2. децембра 1886, Голубиноє — 26. марта 1967, Піттсбурґ) быв політик, журналіст і правник, єден із лідерів Карпаторусинської еміграції у США. Першый ґубернатор Пудкарпатської Руси (1920—1921). Родив ся в селі Голубиноє у родині нотаря Павла Жатковича та Ірмы Злоцької, донькы попа і културного діятеля Феодосія Злоцького. У 1890 р. Павел Жаткович еміґровав до США, а за рік упровадив там жону із дітьми. Учив ся у коледжах Ню Йорка і Піттсбурґа. Кінчив юридичный факультет Пенсильванського університету. Як председа Амирицької народної ради Угро-Русинів у 1918 рокови вів переговоры із президентом США Вудро Вільсоном і Томашем Масариком. У авґусті 1919 року быв призначеный председов Директорії Підкарпатської Русі, а 5 мая 1920 року президент ЧСР поклав його першым (переходный) губернатором краю. У авґусті 1921 Жаткович із родинов вернув ся до Америкы. У 1926–1932 рр. быв правным радником єпископа Русинського грекокатолицького екзархату. У 1941 р. основав місячну новинку "The Carpathian", котра давала інформацію за судьбу Карпатськых Русинув у Європі. Загнав відкрытоє письмо «америцькым Карпаторосам» і письма презідентам США (Франклін Рузвелт) і Чехословакії (Едвард Бенеш, у екзилі), прикликуючи ід обновленю Чехословакії включно із Подкарпатьом. Умер у Піттсбурґу 27. марта 1967.
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, в иных случаях будем обращаться в соответствующие инстанции (админам соц.сетей, и Суд).
