Ôто было вже давно… В білу файну днину,
Пригласила єдна Мышка другу на гостину.
Мало сісти, говорити, а пак казковати,
Убы мало час прӱйшóв, й вісті нôві знати.

Фото. Притча о двух мышках. Русинский Мир.
Перва Мышка – вто хыжна́, горда тай лінива;
Файно вбрата, їсти є, тôму й сêрêнчлива.
Друга бідна и худа, но завто шікóвна,
Пó простóму ся убират – мыш ото цêркóвна.
Стрітила ся з цімбора́шкóв, низько ся вклонила,
Перва Мышка тоже їй, тай заговорила:
– Ой, нибого, що з тобóв? Шкода й позирати!
Коли будеш у жулудку, Їдіня вже мати?

Фото. Притча о двух мышках. Русинский Мир.
Хыба пораз найдеш зи́рня, пӱсля парастаса;
Жоно божа, як живеш, йой тать де до фраса!
А я красно си живу, так, ги пані біла,
Сама видиш, ош яку м си, гузицю відїла.
Є на фрыштик пóвно їдла, на ôбід, вичирю,
Леґдвы у віґан ставу, видав го розширю.
Быв бы й дальше монолог, но мацур забігат –
Мыш ся шпотат и біжит, скаче, падат, лігат.

Фото. Притча о двух мышках. Русинский Мир.
А церкóвна собразила, у рубку забігла,
Пóвна думат, ош спасе ся и уна пôбігла.
Но тôвста вна, нê залізе, яла так пищати,
Бідна Мышка ся натігат, й почала казати:
Вшитко правда, щось пувіла, я ся чим хвалити?
Но лиш, цімборко-нибого, я ся впстану жити.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
Интересно написано. Смысл понятен)