ВІНЧОВАНЯ ДО СТАРОГО
НОВОГО РОКУ!
А я бы хотіла, вбы добре и иппно
Довкола в уши́ткых настало!
Тепло по домашньому, файно и сы́тно,
Прийшло щастя й в хы́жи ся вбстало!
Най буде в коморі и хлібик, и шовдарь,
И гÿрка, и шойт, и пікниця,
Обы мала што фурт покласти у бловдарь
Й на стÿл все, красно молодиця!
Та най бы достаток вас файно имив ся,
У Ста́рому Но́вому році,
Тко битюжный - най бы уже изцілив ся!
Бо вшытко у Божÿй є моці!
Дай мудрості, Господи, мало терпіння,
Крихту серенчі вшыткым людям,
А мо́йому на́роду щи фест везіння,
Най межи біду не заблудять!
Вінчуву красно цімборам, чилядині,
У Ста́рому Но́вому році,
Най Бог дасть здоровля ще каждÿй людині,
И радусть на каждому кроці!
Госпо́дь наш ласкавый, из свого престола,
Най милость дасть й ласку до світа!
Бо вто, што загнав нам - урокы и школа
На довгі и будущі літа!
Най нечисть паскудна навхтема ищезне!
Обы ся лем ліпше нам жыло!
Обы ся гуло и співало файнезно,
И добре ушыткым нам было!
pátek 13. ledna 2023
© Copyright: Леся Адамова Стецови
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
