История русинов с Михаилом Чикивдя. Молодой краевед и будущий историк Михаил Чикивдя, собрал архивные данные о русинских “бизнесменах” Подкарпатской Руси.

История русинов с Михаилом Чикивдя. Молодой краевед и будущий историк Михаил Чикивдя, собрал архивные данные о русинских “бизнесменах” Подкарпатской Руси.

РУСИНСЬКЫЙ ПРОМЫСЕЛ.

Сього м рōку зачав зачав писати про пӯдузятникӯв, дрӯбных промыслōвцїв тай промысел Подкарпатя, у часы Чехословакії. Часто споминат ся у роботах и період Австро-Мадярщины.

Из серії рōбут за Дōвжанськый ōкруг Марамороша, выйшла пак доста хосенна и интересна книжка.

Типирь, кōй уже м зачав май маштабно описовати каждый реґіон Вӯтчизны, годен им изробити пару вывōдӯв про русинськый промысел.

Строго кажучи, русинського промысла, ги такого, ни было.

Быв промысел и промыслōвцї:

  1. єврейські,
  2. німицькі,
  3. мадярські,

На русинськых теритōріях, и ни бӯльше.

Веду до того, ож наші руснакы, у бізнісовōму дїлі, майже ни были заняті.

Вшидко было, ги уже м писав, у руках другых нарōдӯв Подкарпатя.

Дрӯбні промыслōвцї, ги чōбōтарі, шевцї, мнясникы и инші, май часто было євреї.

Великый, кидь руняти, промысел быв у мадярӯв и нїмцїв, а  землевластниками были бароны, Мальтійськый орден и т.д.

Но кидь и были русины пӯдузятникы, та чим ся ōни занимали?

За записами май читаво было остолашӯв, тесарӯв и будоватилӯв. Датко розводив худōбу на продаж, дакōтрі люди мали млин. Были мнясникы, горнчарі, ковачі, айбо уже май рідко. И лише єденицї, у вшидкōму краю, мали бōвты, авадь продавали доган, ци ищи штось. Кидь уже говорити за бōвты, та май много по селах было іх єврейськых, де ся продавав усякый товар.

Но была єдна робота, де дуже рідко, у записах, нив была занята ни русинка.

По днешнōму, акушеркы, а, ги тоды казали, сїльські бабы были лише наші жоны.

Но исе ся каже ипен за села.

Но ци занимали ся дачим ищи наші люди?

Нараз пōвім, ож айно.

Чинило ся доста читаво усячиного, што было у хыжи, авадь на опшарю. Вшидко ни куповали у бōвтах тай на базарах.

Чинили:

  • Лӯтру,
  • Лавицї,
  • Стӯл,
  • Пōстилі и т.д.

Люди старали ся чинити:

  1. Бутор кажді самі,
  2. Блюдята,
  3. Разный пōсуд, куповали уже на базарах.
  4. Даколи, дащо выд циган, приміром, деревлянї ложкы.

Чинило ся читаво інструминтӯв на сінокосы, земильні и другі рōбōты:

  • Вилкы,
  • Граблі,
  • Рукоятї,
  • Косы,
  • Мотыкы,
  • Бочкы и инше.

Тай ни треба забывати, ож вшидко цуря, жоны чинили самі.

Пуслїднїй вывод такый, ож ōты инструменты, што чинили русины, хосновали ся для ґаздованя;

  1. Ярьованя,
  2. Сїнōкӯс,
  3. На опшарю ōбы ся убрати, в ōбщōму, ōбы жити.

Пӯдузятництвом, кидь руняти, занимало ся мало людий.

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).

Добавить комментарий

Ваш адрес email не будет опубликован. Обязательные поля помечены *

Иконка левого меню