История Карпатского края в стихах с Иваном Бинячовским. «Свище вітер із пуд гур, там у Тису впадат струм, Замок на горі розбитый…»

История Карпатского края в стихах с Иваном Бинячовским. «Свище вітер із пуд гур, там у Тису впадат струм, Замок на горі розбитый…»

ХУСТСЬКЫЙ ЗАМОК -  БАЛАДА.

Свище вітер із пуд гур,
Там у Тису впадат струм,
Замок на горі розбитый,
Улупив у нього грум.

Улупила блискавиця,
Розметало, як копицю,
Хустськый замок на горі,
Вту годину быв в біді.

Не спасли-го давні муры,
За гріхоту і туртуры,
Каминь везли онь з Брустуры,
І ни выдержав огня.

Ходят разні приказкы,
Що ото всьо ворожкы,
Ко вто знає, як вто было,
Вто давно-ся вже й забыло.

Было доста нечистоты,
Коло Тисы там де плоты.
Плотогоны были смілі,
Знали толк у втому ділі.

Кажут виділися з Ладьом,
З Мараморошськым випрьом,
Вун над замком быв наглядом,
З чорным гыркавым коньом.

Была в нього й молодиця-
Файна кобрище-бісиця,
Мало каправа й лахмата,
З иклами і куструбата.

Як-ся звала нич не знати,
Босорканьська її мати.
Вна згоріла прямо в замку,
Кажут вто ся стало з ранку.

Повдні кажут що пуд нуч,
Поразив їх Божый луч.
Дракула втік на коньови,
Через Тису вд’филийови.

Бурше-го ни тко не видів,
У Карпатах дись ся в’дсидів,
Так иззоммер у зворах,
В Мараморошськых хащах.

Хустськый замок на горі,
Видко з далеку мині,
Хуть розбитый гет до шпента,
Вун типирь уже леґенда.

І леґенда про вампіра,
Що ссав кров з любого звіра,
І про замок ни бідняцькый,
Што-го грум розбив з нинацька.

Босоркані выдтык втікли,
У хамничах точат иклы,
І чатуют чилядину,
Ще й типирь... 
У днишню днину.

З честованьом Автор: Иван Бинячовский (Иван Бузаш) Написано наречиєм карпаторусинського языка вирхнього потисся Мараморощины.

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Иван Бинячовский (Иван Бузаш), в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon