Гіядор Стрипськый (07.03.1875 - †09.03.1946) - русинськый етноґраф, лінґвіст, товмач.
Родив ся 1875 року у селі Шелестово, жупы Береґ, у родині ґреко-католицького сященика. У 1893 році кунчив католицьку ґімназію в Ужгороді. Высокоє школованя зачинав у Будапешті, но перейшов штудовати у Коложварськый університет. Туй же дустав докторат із етноґрафії. У 1910 році переходить робити до Національного музея в Будапешті. Пусля першої світової войны стає чиновником у звіданях Руської країны тай русинського школованя, но у 1922 році выходить на пінзію. Послідньым іпульсом у карєрі Стрипського є робота у Пудкарпатському обществі наук (1941-1944).
Гіядор Стрипськый став першым русинськым ученым, котрый записав на фонограф народні мелодії у 1908 році. Активно штудовав лексиколоґію і ономастику. Збирав бібліоґрафічні матеріалы. Мав несталу політичну орієнтацію, переживав українофільськый, автохтоністськый, мадяронськый "етапы". Лишив після себе читавый архів.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ , в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
