СТРІЧАЙТЕ новый член Общества русинськых умільцюв ( бывш. Сōюз русинськых писателюв Закарпатя): поет МИГАЛЬ СТАН Честованї цімборове, из великōв радӯстьов представляєме Вам нового члена Общества русинськых умільцюв – талантливого поета Мигаля Стана. Його прикапчаня до організації є нехōтьякым обогаченьом дїля нашого културного общества, а його твōрчӯсть на бизӯвне лишит глубокый слїд у світї русинськōй літературы. Мигаль Стан увидїв свїт у селі Угля. Уже из дїточых рōкӯв вӯн чув у сōбі непереборну потребу донести своє думаня та почуття до другых, и ипен тоды пōрузумів, што поезія - исе тото, што пōзвōлят му выслōвльовати свōє думаня майліпше. По шкōлї, Мигаль продōвжив учіня у Мукачӯвськōму Коледжови Торгōвлї тай Економікы (МКТЕК), де дӯстав спецїальнӯсть товарознавця-комерсанта. Твōрчӯсть Мигаля Стана счудовала читачӯв своєв автентичнӯстю тай житєрадӯстьов. У його вершах чує ся правдивый живот, выдбивают ся всякі емоції. Читаво його твōрӯв присвячено рӯднōму пӯдкарпатськōму краю, у многых стихах пӯднимат ся тема любови. По бӯльшости прōсті й пōнятнї, верші нахōдят си місто у сирдцях серцях читачӯв и помагают ліпше пōрōзуміти тай цїнити свїт, што є дōвкола нас Єдным из вызнань Мигальового таланту стало публікуваня йōго твōрӯв у «Альманах днешньої русинської літературы» за пōсліднї три рокы. Исе заслуженоє досягненя пӯдтверджує його поетичный внесок розвōй русинської поезії. Нынї общество радо выдкрыти дїля ся твōрчӯсть Мигаля Стана. Вӯн -красный приклад того, як єднати рōбōту из поетичным даром, и його творы, бизӯвне, станут выдкрытям дїля душі каждого, тко їх прочитат. Вступ Стана до Сōюза русинськых пистелю Закарпатя, а нынї Общества русинськых умільцюв - исе незабытный момент у живōтї сього талановитого поета, а такōйже нова стōрӯнка у істōрії русинськōї літературы й културы. Желаю му дальшых творчых зльотӯв тай новых добыткӯв на пути до літературнōй славы. Най його поезія фурт буде жерелом ōдухновеня тай радости дїля нас, читачӯв, и подвигōвє на нōві вершины Из честьованьом, Мигаль Чикивдя ПОЕЗІЯ МИГАЛЯ СТАНА: CO₂вість Я стараю ся жити по совісти Як писали давно в повісти Що моє то моє чужого не хочу Я собі постоянно торочу По совісти жити не модно Став я многым неугодный Став многым я поперек шиї -Нащо ти совість?! Лиши ї! Не годен! Я по другОму не годен Справедливости м вічно голоден Вічно думаю, що подумают люди Всьо як і має быти так най буде Совість не спит совість не дримле На нюй сись світ ще ся тай тримле А коли і її на сьому світі не стане Всьо кругом ся помінят містами Называйте мене типирь як угодно Я не такый гі вы, я старомодный Такых гі я типирь устало ся мало Що твердо несут нашых діду ідеалы Я хочу і буду й дале жити по совісти Хоть сись світ повный суровости Я хочу і буду хоть ниє смысла... Абы совість мене ночами не грызла г. Прага, 03. октовбра 2021 год ЛюбовПЫТСТВО А я такый - жадный на любов Де усім понятно всьо без слов А я такый - не такый як всі Моя любов в душі а не красі Я люблю за не Земну красоту Ай душу люблю чисту й просту Люблю слухати твого серця стук І чувствовати тепло твоїх рук Покажи ми глубину свої душі А я для тебе присячу вірші ЛюбоПытна вещ, іся любов Де усім понятно всьо без слов А є й така любов що пытство Коли згоряєш з любопытства Не можеш пытати через фейсбук Тепло такых желанных рук А так ся хоче свОїми руками Открывати двирі в твої храмы Так ся хоче узнавати твою душу Я так хочу, дуже хочу! Мушу! Та на жаль душа в мене скрытна Ты не узнаєш яка она любоВпытна Ты не узнаєш як любви не хватає Як моє серце без тебе страдає Автор: Мігаль Стан, с. Зохор, Словакія , 06 августа 2021 г. Міша Стан
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Михаил Стан, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
