ГРУШОВЧАНИ Файні дівки у Грушові, Леґіні-як дуби. Ко хоче наше вкусити- Най поломит зуби. Як захочеся леґінь У чужину женити- Своїх дівок у Грушові Мусит одплатити. Аж надумає чужиниць Грушувчанку "вкрасти" - Файний маґарич леґіням Мусит вун покласти. В ГрушОві буває всяке- Можут ся сважати- Но чужому не дозволят Всюди свуй нус пхати. Може ся сусід з сусідом Із-за меж сважати- Та у сваді з пересирдя Куля розметати. А потом на перекурі Про щось поговорят- Та вже через якись час Разом плут городят... Може чоловік жону КругОм хижі ганяти- А вона го пак не пустит Вночи д собі спати. Комедій в селі буває... Но ай як без того... Грушувчани-люди честі Не берут чужого. На любоє діло дружно Чилядь виступає- Зато село наше файне І файно ся має. Автор: Аня Цірик 23.01.2021 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
