Дров на зиму заготовив, Повна пивниця вина, Буженина у коптильні, Димом будится сповна. На полицях банок всякых, Огуркы, породичкы, У літровках май іскраю, Сливы, ягоды, дичкы. Є й поприґа зла й солодка, Ззаду ряд у кабачках, Лечо мече ся у очи, В пувлітровых баночках. У перерубови ріпа, Дыня, морква, буракы, Щий капуста у ґелеті, Звирьху кыснут головкы. Обы впроголодь ни быти, Вбы од голоду ни выти, Чилядь наша пришпурує, Трудит, корчится, мудрує. Но вкажіт ми ци ни клас? Коли в хыжи бродит квас. Куй в коморі на бантинах, Солонины в три пакы, Шовдорі обычно по два, Висят ипні лупакы. Жизня в нас як при двурі: Кажьдьый рано до зорі. Нам мусайно уставати, Вбы зимов ни голодати. Славный наш чистовный люд! Хоче мати всякых блюд. Вбы у сяткы на столови, Было всьо у гораздови, Дай нам пане Боже днись, І на годик цілый ввись. Заходіт до нас у гості, Почистуєме сповна, Мы натулько люде прості, Щей з собов даме вина. автор: Иван Бинячовськый (Иван Бузаш). Написано наречиєм карпаторусинського языка вирхнього потисся Мараморощины.
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Иван Бинячовский (Иван Бузаш), в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
Как приятно открыть баночку зимой какой-нибудь вкуснятина…